Ez adiorik , Igor

Gogoan zaitugu orain,
borrokan eta aisian,
guda eta bakian,
eta beti egokian.
Kemena eta
gaitasun handian
maisu izan zaitugu
honetan guztian;
eta, batez ere,
laguntan, egian.

Adiskide handi bat
badoakigunez,
hemen gagoz minez;
ez dugu nahi hala ere
aritu saminez.
Lagun aparta ta
onbera zinenez,
bertsuok ahal den eta
alaienak bitez
ez adiorik zuri
Igor, inola ere ez.